• Accueil
  • > قصيدة « الباسبور الاخضر » للشيخ اليونسي البركاني

قصيدة « الباسبور الاخضر » للشيخ اليونسي البركاني

http://www.dailymotion.com/video/73wK2okXERnHzgO4j

حنا غربة وطالت غربتنا ونار الغربة كواتنا مبين العينين
ايلا حنا حيين ساع نرجعو لوطنا وايلا متنا يدفنونا ناس اخر
**
ما دراك يوم صديت خاطر وخارج من بلادي غادي حواس
وصلت لباري وضحيت مقصر والفت يا خوتي بلدان الناس
**
رفدت الباصبور لخضر وقلت أنا دي خيار الحياة
جبرت البابور يرجى في المرسى مسطرة بالرايات
**
نهار إلي مشيت خاطر ودعت أحبابي وقلبي مهموم
خليت اميمتي تنوح وتقول وليدي مشالي للروم
**
فراق أغزالي يشيب وداك اليوم عمرو ما ننساه
هيا بدموعها ذوب وأنا قلبي عالم عليه الله.
**
ركبت أنا معا أصحابي وبآيتين في البحر والموجات
في ارض اسبانيا أصبحنا في ملاكَا نزلتني بالذات
**
جبرت العلجة تسربي كي شافتني قالت لي واش بغيت
قلت ليها بغيت نفطر وجابتلي دلمسكر وكليت
قلتلها خبريني هاد الماكلات ديالكم واش حلال
قالت لي كول واسكت وهاد الشي الي طلبتو موحال
**
قلتلها خبريني هاد الماكلة ديالكم واش حلال
قالت لي كول واسكت وهاد الشي الي طلبتو موحال
**
مشيت انا نحوس جبرت المرشي على كل الوان
جبرت الخوخ والسفرجل تفاح اسبانيا والبنان
**
ابونضيةخبريني اسينيورا كواترو في الثمن
ماصبت لسان باش نهضر وقال لي خاصك الترجمان
كوناكيلو دي بلاطا انونو كين سيبيسيطاس
انا مافهمت والو ناضا ناضا يا بنت الناس
**
مشيت للكار نجري من الماشينا زدت للفرونتيار
تودوسويت وصلتني للديوانا بين ليلة ونهار
**
رواح تشوف احبيبي في الديوانا منين قالو لفتاش
احنا سبعة فوتونا وسبعطاش اخرين رجعوا مكانش
**
خليت بلادي بعيدة وجيت للباري وراني خدام
قلت انا عاد نخدم ندير اللوطو ونرفد لحمام
نخدم السبت ولحدودا ونهار الفيشطا معا راس العام
عييت انا ما نخمم واليوم طوالو عليا ليام
الله الله احبيبي هاد الشي حق ولا موحال
طناش العام غير غربة في باريس وباقي مزال.
**
خليت اغزالي يصيح ونيرانو شاعلة للان
قلت انا عاد نربح ساعة ما ربحت مادرت المال
خمسة وثلاتين الف نجيبها كل اسبوع
نقول انا غير هاد المرة نشري طومابيل من خيار النوع
**
العود الي نقول يربح يجي في التالي بحال المجنون
نقول انا نزيد هاد المرة غادي نزيد زوج ملايين
الخيل الي ندهم بثلاتة يبقاوا في الثلا عياني
**
عييت انا ما نخمم في هاد الدنيا والزهر ما عنديش
واحد اعطاه ربي يرقد غير في المطارح والريش
واحد اعطاه ربي حتى اللوطو دار ليها عساس
وواحد لبدا غريب مودر هايم في بلادات الناس
**
الله الله يالقاصد مدينة باري رواح نوصيك
احضي روحك الغادي وكون فطين راهم يفوزوا بيك
اسمع قولي ودير رايي ومشي وحدك لا تكثر الأصحاب
يجرى لك كيما جرالي حتى تسمح في لبلاد ولحباب
**
ندير التور باش نركب نمشي للخدمة والحال بعيد
يصبح الغاشي معذب مخلطا بالأحرار ولعبيد
**
ننـزل من الطوبيس ونصيب الميترو شحال عندو بيبان
تحت الأرض خادمينو بالعقلية مفصلينو طرقان
**
مشيت وسقسيت وحدة قلت ليها si vous plais a madame
هزت كتافها عليا ما هضرت ما جاوبتني بكلام
قلتلها ماضموزيل excuse moi قراي لي دالعنوان
اقالتلي كاسكيليا وقلت لها moi je suis marocain
قلتلها ماضموزيل excuse moi قراي لي دالعنوان
اقالتلي كاسكيليا وقلت لها moi je suis africain
قال لي ou tu vas?قلت لها moi je sais a rien
قلت لها جوسوي مبردي قالت جمام فو صافي ريان
اقلت لها ماضموزيل جمام فو كاسكوسافودير
الله الله اخوني والي ما عندو لسان واش يدير
**
مشيت وسقسيت وحدة قلت ليها si vous plais a madame
هزت كتافها عليا ما هضرت ما جاوبتني بكلام
**
اقالتلي كاسكيليا وقلت لها moi je suis marocain
قلتلها ماضموزيل excuse moi قراي لي دالعنوان
اقالتلي كاسكيليا وقلت لها moi je suis africain
قال لي ou tu vas?قلت لها moi je sais a rien
**
قلت لها جوسوي مبردي قالت جمام فو صافي ريان
اقلت لها ماضموزيل جمام فو كاسكوسافودير
الله الله اخوني والي ما عندو لسان واش يدير
**
خلط الميترو الأول ركبت وصانجيت في سان ازار
وبعد رحلة البحث الشاقة عن مكان العمل وصل متأخرا :
عييت انا ما ندور ووصلت للخدمة على نص نهار
**
مشيت معا الشاف نهضرexcuse lui il est arriver trop tard
موسيو احمد قال ليا:ici il n y a pas des histoires
**
نخدم ونولي عشيا معا التسعة عاد نخلط للدار
نصيب عشايا مودر نجيب الخضرا وننسى لبزار
العشرة زعفوا عليا وقالو لياه مادرت طياب
خصك تنوض بكري ولا راحنا نريكلو ليك لحساب
قالو ليت ليا روح بعدا جيبنا ايلا كان غي شي بيضات
قلت ليهم مكان والو الرومية كملت وفرمات
تما زادو عايروني وقالو ليا انتيا فنيان
خصك تنوض بكري وتجيب لينا كلشي بالميزان
تما زادو عايروني وقالو ليا انتيا فنيان
خصك تنوض بكري وتجيب لينا كلشي بالميزان
قلت ليهم سامحوني وانا راني شويا عيان
هم الغربة بلاني ورشى قلبي بالهموم والمحان
**
بني عمي زعفوني وطلب السكنى مع ناس اخرين
ومنين جاو كلموني واقيتهم كلهم شلحيين
قلت ليهم فهموني بالعربية واسمو د الكلمات
قالو لي بالسلامة واحنا ما عندنا وين تبات
**
ثلت سنين بالكشايف باش درت دلفرنكات
قلت نروح لبلادي زعما نشوف الخيات
الديوانا فتشوني وصابوا عندي الا لافيشات
اقالولي ويرا خدمتك وانا داوهالي لبنات
**
الزلط المنضوم لخضر ندمت وراني مريض ومهموم
سمعت الي غشيم يهضر قهرني باللوم وكلام العار
ا لايمني لياه تهضر وتزيد تقوي عليا لضرار
هم الدنيا المرة وهم الغربة وشوف بينا ماصار
**
نهار السبت منين نخدم ندير قمجا معا طروا كار
نروح لباري ونفاجي بالويسكي والريكار…

11 Réponses à “قصيدة « الباسبور الاخضر » للشيخ اليونسي البركاني”

1 2
  1. عبد الجبار قـــادي dit :

    comme il est trés recente, il est trés chique cette

    chançon me plais beaucoups.

    gros chapeau a Mr lyounssi et bon courage a nos

    ecrivans

  2. Anonyme dit :

    très bien

  3. yassine dit :

    had disco ki9lbo 3lih nass dyal lalman o holanda

  4. berkani dit :

    salut les amis

    le passeport vet n’es plusun privilege
    mais il faut parler du passepot rouge comme font nos ministres et nos députés ainsi que nos bourgeois.
    bref , merde les escrots
    merde les bourgeois et les sales emmerdeurs

    un pur berkanais

  5. zakaria bouissoui dit :

    Wonderful poem, thank you

  6. Fathi dit :

    Wallhi ana tounsi emigre’fi hollanda depuis 20 ans..
    mon passeport tunisien est aussi vert ..les freres algeriens c’est aussi akhdar wa bi enaanaa..

    je me reconnait beaucoup dans ce poeme.

    yaatikom essaha

    wa fi hollanda on dit dank u wel

  7. romi dit :

    salut atous,
    cette chonson est réstée dans ma mémoire car jai beaucoup galéré pour avoire la passeport a l’epoque des années 70 c’etait l’quivalent d’un passport rouge actuelement , ce poeme est trés joli il est toujour d’actualité ,bravo si alyounssi albarkani ,
    si mohammed nawahi barkane salamou alikoum

  8. Anonyme dit :

    تلبيتا لطلب المشاركة
    ان صح الكلام كان الكلام كحجر الشد يسن الحديد ولا يقطع

  9. khatiri dit :

    مااروع ه>ه الاغنية وانها لممثال حي لكل من يريد الهحرة الى بلدغير بلد الاصلي ولا سيما ال>ين اتخ>وا اروبا مقرا ايام الشح و التقش .ان هده الاغنية اثرت كثيرا على شخصية المهاجرين والعرب و لا سيما المغاربة الدين عاشوا بفرنسا سنوات الربعينات الى الستينات عاشوا و هم تحت رحمة الفقر و التعسف و التنكيل

  10. maillot basket dit :

    Wow, this paragraph is nice, my younger sister is analyzing such things, thus I am going to inform her.
    maillot basket http://www.syplus.com/maillotdefootpascher/maillot-paris.html

1 2

Laisser un commentaire